Kategori
Artikuj të përgjithshem

Ura e mesit – Rikonstruksioni

Ura e Mesit dhe Kalaja e Drishtit, dy monumente kulture të Postribës, po e kthejnë këtë komunë në periferi të qytetit të Shkodrës, në një qendër turistike, duke joshur vizitorë të shumtë. Për të huajt, artitektura e urës mbi lumin Kir është intriguese: e gjitha me gurë të latuar dhe pllaka guri. Me një investim prej 13 milionë lekë nga Fondi i Zhvillimit Shqiptar, u mundësua kalimi i turistëve sipër urës së lashtë, e cila deri pak kohë parë mund të vëzhgohej vetëm nga larg, për mungesë të dy hyrjeve të ndërtuara, që specialistët i quajnë pedonale.

[singlepic id=1534 w=320 h=240 float=]

“Investimi në fjalë ka bërë të mundur ndërtimin e një rruge pedonale, e cila shtrihet në të dy krahët e urës, e shkallëzuar me parmakë dekorativë, me ndriçim, gjelbërim, stola pushimi, ndërkohë që janë pajisur me ndriçues edhe të gjitha harqet e urës në fjalë”, thotë Bajram Milani, fotograf dhe i ngarkuar nga komuna si kujdestar i këtij monumenti. “Në Postribë vijnë për të vizituar Urën e Mesit, turistë të shumtë nga Europa dhe më gjërë”, thotë Milani. “Numri i atyre që e vizitojnë brenda vitit shkon deri në mbi 3 mijë, shifër, e cila me përkujdesjen e Monumenteve të Kulturës dhe të Komunës së Postribës, mendohet të rritet edhe më shumë”, thotë ai.

[singlepic id=1548 w=320 h=240 float=]

Të dhëna mbi urën

Ura e Mesit është e gjatë 108 metër, e gjërë, 3.4 metër, me 13 harqe prej guri, ku hapësira e harkut të madh është 21.5 metra dhe lartësia 12.5 metra, ndërkohë që sipërfaqja e përgjithshme është rreth 800 metra katror. Ndërtimi i saj u realizua në gjysmën e dytë të shekullit të 18-të nga Muhamet Pashë Bushati, fillimisht me qëllim për të lidhur Shkodrën me Drishtin, e më pas edhe me zona të tjera të veriut shqiptar. Ndërtimi i saj mendohet të jetë bërë në dy faza, ku në të parën thuhet të jetë bërë harku i madh dhe harku tjetër, ndërsa në fazën e dytë 11 harqet e tjera. (Portali Postribe – Dj Iliri)

Facebook Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.