Topalli: Postriba, një sakrificë e madhe për lirinë

Administratori
By Administratori 17 Tetor, 2009 23:37

Topalli: Postriba, një sakrificë e madhe për lirinë

Topalli: Postriba, një sakrificë e madhe për lirinë

Topalli: Postriba, një sakrificë e madhe për lirinë

Vetëm një ditë pas rizgjedhjes në krye të Kuvendit, Jozefina Topalli vizitoi Postribën, zona e cila tashmë është pjesë e historisë, pasi kreu kryengritjen e parë kundër komunizmit në gjithë Lindjen.
Në përkujtimin e kryengritjes antikomuniste në Postribë, që shënohet e para në Shqipëri dhe Evropë, Topalli tha para të pranishmëve se “nuk ka krenari më të madhe sesa të jesh i pari në betejën e rrëzimit të komunizmit”. Përfaqësues të shtresave të të përndjekurve politikë, familjarë e të afërm të viktimave përkujtuan këtë ngjarje historike, ku njerëzit e diktaturës vranë 21 burra e të rinj, pushkatuan 19 të tjerë dhe dhjetëra persona të tjerë u burgosën e u persekutuan. “Keni qenë të parët që keni kërkuar lirinë.
Keni qenë të parët për të sakrifikuar dhe ka qenë një sakrificë e madhe, një sakrificë me gjak dhe njerëz, sakrificë në jetë, sakrificë në sulmet që i bëheshin Postribës, Shkodrës, rrethit tonë, pastaj për ta përcjellë e për ta rrezatuar me qëllim mbajtjen nën hijen e frikës, nën hijen e burgut të gjithë shoqërinë shqiptare, të gjithë shqiptarët”, – tha Topalli para të pranishmëve.
Duke folur për sfidat e katërvjeçarit të ardhshëm, kryetarja e Kuvendit theksoi se kjo legjislaturë nis në një stad më të lartë se ajo e katër viteve më parë. Ajo falënderoi çdo burrë, çdo grua, çdo vajzë e djalë të ri, që i kanë besuar projektit të Shqipërisë evropiane. “Unë jam e sigurt se ky katërvjeçar do të jetë një katërvjeçar i jashtëzakonshëm, por jam edhe një optimiste e madhe, si asnjëherë tjetër.
Ndryshe nga katërvjeçari i parë, ne po fillojmë në një orbitë tjetër, në një orbitë me rreze më të gjatë.
Ne nuk fillojmë aty ku ishim, në një Shqipëri të zhytur në korrupsion, në një Shqipëri pa drita, pa rrugë, pa asnjë perspektivë”, – deklaroi Topalli.

Facebook Comments

Administratori
By Administratori 17 Tetor, 2009 23:37
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment

Your e-mail address will not be published.
Required fields are marked*

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.