Komuna Postribe – Xhamia e Milanit

Komuna Postribe

Presidenti Bamir Topi ka marrë një mesazh falënderimi nga Komuna Postribë e qarkut Shkodër, për dekorimin e kësaj komune me urdhrin Nderi i Kombit. Nëpërmjet këtij mesazhi, drejtuar presidentit Topi, kryetari i Komunës, Faz Shabaj i shpreh mirënjohjen kryetarit të Shtetit në emër të të gjithë banorëve të Postribës për dekorimin e kësaj komune. Në shtator të vitit të kaluar, me rastin e 62 vjetorit të kryengritjes antikomuniste të Postribës, presidenti i Republikës vizitoi këtë komunë dhe i dorëzoi kryetarit të saj urdhrin Nderi i Kombit me motivacionin: Në shenjë nderimi të thellë për traditat e shquara atdhedashëse të popullsisë së zonës, për rezistencën e pashuar kundër diktaturës komuniste, për përpjekje dhe kontribut të veçantë në fitoren e demokracisë në vendin tonë.